وادەی دەستپێکردنی قۆناغی سێیەمی سەرژمێری ڕاگەیەندرا
01:59 - 21/11/2024
زەمەن – هەرێمی کوردستان
سەرژمێری لە
قۆناغی دووەمیدایە و بڕیارە هەفتەی داهاتوو قۆناغی سێیەم دەستپێبکات.
دڵزار حه‌مه‌ساڵح،
به‌ڕێوه‌به‌ری به‌ڕێوه‌به‌رایه‌تی ئاماری هه‌ولێر له لێدوانێكی رۆژنامه‌وانیدا
ئاماژەی بەوە کرد، پرۆسه‌ی سه‌رژمێری گشتی له عێراق و هه‌رێمی كوردستان بۆ ڕژۆی
دووه‌می له‌سه‌ریه‌ك به‌رده‌وامه و داوایشی له هاووڵاتیان كرد له ئه‌گه‌ری سه‌رداننه‌كردنیان
له‌لایه‌ن بژمێره‌كانه‌وه په‌یوه‌ندی به ژماره ٥٦٧وه بكه‌ن.
دەشڵێت: له
كاتژمێر ١٢ی ئه‌مشه‌و قۆناغی دووه‌م كۆتایی پێدێت و قۆناغی سێیه‌می سه‌رژمێری له
هه‌فته‌ی داهاتووه‌وه ده‌ست پێده‌كات و تا ناوه‌ڕاستی كانوونی یه‌كه‌م واته مانگی
١٢ به‌رده‌وام به‌رده‌وام ده‌بێت.
ناوبراو ئه‌وه‌یشی
ڕوون كردووه‌ته‌وه، قۆناغی سێیه‌م پێوستی به مانه‌وه‌ی ته‌واوی ئه‌ندامانی خێزان
له‌ماڵه‌كانیان ناكات و باسی له‌وه‌یش كرد به كۆتاهاتنی قۆناغی سێیه‌م ئه‌نجامه
به‌راییه‌كانی پرۆسه‌كه ده‌رده‌كه‌ون.