نوێترین لێدوانی مەسرور بارزانی لەسەر مووچە
04:36 - 23/11/2024
زەمەن – هەرێمی کوردستان
مەسرور بارزانی سەرۆکوەزیرانی هەرێمی کوردستان دەڵێت:
بەداخەوە لەلایەن عێراقەوە قەرەبوو نەکراوینەتەوە، دەبینین پارە بۆ مووچە درەنگ دەنێردرێت،
داهات بەشێوەیەکی گشتی کەمبووەتەوە.
ناوبراو لەمیانی کۆڕبەندی مێپس ئاماژەی بەوە کرد، راگرتنی
هەناردەی نەوتی کوردستان کاریگەریی لەسەر هەموو عێراق هەبووە، بەڵام بێگومان گەورەترین
زەرەرمەند بریتییە لە کوردستان.
مەسرور بارزانی وتیشی: هەرێمی کوردستان مافی خۆیەتی نزیکەی
٥٠٠ هەزار بەرمیل نەوت بەرهەم بهێنێت، بەڵام کەمتر لە نیوەی ئەو بڕە بەرهەمدەهێنرێت.
دووپاتیشی کردەوە: پارە بۆ مووچە درەنگ دەنێردرێت، داهات
بەشێوەیەکی گشتی کەمبووەتەوە، ئەمە بەشێوەیەکی گشتی لەبەرژەوەندیی حکومەتی عێراق و
حکومەتی هەرێمی کوردستانیش دا نییە.