هەواڵێکى خۆش بۆ مووچەخۆرانى هەرێمى کوردستان گەیشت
07:03 - 09/12/2024
زەمەن - کوردستانى
بریکارى وەزارەتى دارایى عێراق دەڵێت، 761 ملیار دینار بۆ مووچەى مانگى 10ى مووچەخۆرانى هەرێمى کوردستان نێردراوە، کۆتایى ئەم هەفتەیەش 759 ملیار دینارى دیکە بۆ مووچەى مانگى 11 رەوانە دەکەن.
رێباز حەملان، بریکارى وەزارەتى دارایى عێراق رایگەیاندووە، بڕیاردراوە مناقەلەیەک لە تەرخانکراوى هەرێم لە پشکى وەبەرهێنان بۆ پشکى مووچە بکرێت، بۆ پڕکردنەوەى ئەو کورتهێنانەى بۆ مووچەى مووچەخۆرانى هەرێمى کوردستان دروستدەبێت کە بۆ هەر مانگێک 996 ملیار دینار پێویستە.
راشیگەیاندووە، ئەمڕۆ حکومەتى هەرێم لیستى مووچەى مانگى 12ى رادەستى وەزارەتى دارایى عێراق کردووە و تەیف سامى، وەزیرى دارایى عێراق ناردوویەتى بۆئەوەى وردبینى تێدا بکرێت.
رێباز حەملان دەشڵێت، بە زووترین کات دەست بەدابەشکردنی مووچەکان دەکرێت.