بڕیارێکی نوێ بۆ تەمەنی خانەنشینی دەرچوو
09:45 - 10/12/2024
زەمەن - کوردستانى
لە نووسراوێکدا کە کۆپییەکى دەست زەمەن کەوتووە، تیایدا وەزارەتی دارایی هەرێمى کوردستان گشتاندنێکى لەبارەی بەشێک لە فەرمانبەرانی راژەی شارستانیی و سەربازی ئاراستەی سەرجەم وەزارەت و فەرمانگەکان کردووە.
بەگوێرەى ئەو گشتاندنەى وەزارەتى دارایى کردوویەتى داوایکردووە، سەرجەم وەزارەتەکان ناوى ئەو فەرمانبەرانەی لە یاسای راژەی (شارستانیی و سەربازی)ین و تاوەکوو رێكەوتی 31/12/2025، ماوەی تەمەنی یاساییان دەبێتە 60 ساڵ لەسەر میلاكیان بۆیان رەوانە بکەن.
هەروەها ئەوەش خراوەتە روو کە دەبێت لە ماوەی 15 رۆژ لە دوای دەرچوونی ئەم گشتاندنە ناوەکان ئاراستەی وەزارەتی دارایی بکرێت بەبێ دواکەوتن.
