چەند پرسیارێکی جەوهەری سەبارەت بە هەڵبژاردنی مانگی دوو ؟!
11/8/2023 3:18:00 PM
عەبدوڵای مەلا نوری
ـ ئایا لە هەڵبژاردنی داهاتو پشت بە تۆمارێکی پاکی دەنگدان دەبەسترێت، کە خاڵی بێت لە دەنگی مردوو دوبارەو دەنگدەرانی ئەو دیو سنورەکان؟!
ـ ئایا هێزەکانی ئاسایش و پێشمەرگەو پۆلیس بێلایەن دەکرێن؟!
ـ ئایا کورسی کۆتای تورکمان و کلدو ئاشوری لە دەستی دەسەڵات دەردەهێنرێن و دەدرێنەوە دەستی نوێنەری راستەقینەی ئەو پێکهاتانە؟!
ـ ئایا هەڵبژاردنی داهاتوو بە یاسایەکی نوێ دەکرێ یان هەر بە یاسا کۆنەکەو یەک بازنە؟!
ـ ئایا توانراوە سیستمێکی تەکنیکی و ئیداری وەها لە هەڵبژاردنی داهاتودا بەکاربهێنرێ، کە رێگربێت لە بەردەم لانی کەمی تەزویر؟!
ـ ئایا هەڵبژاردنی داهاتوو پارێزراو دەبێت لە دەستێوەردانی ئێران و تورکیا؟!
ـ ئایا هەر بە راست لایەنە نێودەوڵەتێکان بە فعلی چاودێر دەبن یان بە رواڵەت، ئاخر پێشتریش ئەو لایەنانە چاودێربون، وەلێ کە تەزویر دەکرا یان بێدەنگ دەبون یان دەچونە پاڵ تەزویرچییەکان؟!
ـ پرسیارە هەرە گەورەکە ئەمەیە: ئاخر حیکمەت و جەوهەرو ئامانجی هەرە سەرەکی لە هەڵبژاردن ئەوەیە، تا هاووڵاتیان بتوانن بە دەنگەکانیان دەسەڵات لە فڵان حیزب و جەماعەت وەربگرنەوەو بیدەنە دەستی حیزب و جەماعەتێکی تر، ئایا پێتان وایە هەڵبژاردنی داهاتوی پەرلەمانی کوردستان ئەم ئامانجە بەدیبهێنێت؟!
ـ خۆ ئەگەر هەڵبژاردن بۆ نوێکردنەوەی شەرعیەتی ئەم دەسەڵاتە فاسدەبێت، ئایا بۆ بکرێ؟!
ـ بە گشتی ئایا هەڵبژاردن و ئامادەسازیەکانی بە جۆرێکە تا رێژەی متمانە لای هاووڵاتیان زیاتر بکات و رێژەی بایکۆت کەم بکاتەوە؟!
بە رای من ئەم پرسیارانە دەبێ هی هەرکەسێک بێت، کە (خەمی گشتی هەیە نەک تایبەت) ، وە دەبێ هاووڵاتیان بە شوێن وەڵامی ئەم پرسیارانەو پرس و بابەتی تریشدا بگەڕێن و لانی کەم وەڵامی بەشێکی باشی وەربگرینەوە، بۆ ئەوەی بڕیاری دروست بدەین؟!