کۆمپانیای تۆیۆتا و کۆمپانیای جۆبیی ئەمریکی تاکسیی فڕیو دروستدەکەن
02:01 - 03/10/2024
زەمەن - جیهان
ڕۆژنامەی فاینەنشیاڵ تایمز بڵاویکردەوە، لەنوێترین
هەوڵدا، هەریەک لە کۆمپانیاکانی تۆیۆتای ژاپۆنی و جۆبیی ئەمریکی، دەیانەوێت بە
هاوبەشی تاکسی فڕیو دروستبکەن.
تۆیۆتا دەیەوێت بڕی 500 ملیۆن دۆلار وەبەرهێنان لەگەڵ کۆمانیای
جۆبیی ئەمریکیدا بخاتە کار، بۆئەوەی بتوانن تاکسیی فڕیو بۆ نێو ئەمریکا دروستبکەن.
بڕیارە ئەم دوو کۆمپانیایە پێکەوە لە ساڵی داهاتوودا تەکسیی فڕیو لەو وڵاتە بخەنە
بواری کارپێکردنەوە.
لەلایەکی دیکەوە، کۆمپانیای جۆبی، کە تازە سەریهەڵداوە ئەم
پرۆژەیە وەک گەورەترین پرۆژەی وەبەرهێنانی دەرەکیی خۆی دەبینێت و دەیەوێت تاکسیی فڕیو
بۆ ناوەندە ئابوری و بازرگانییەکانی ناو ئەمریکا دروستبکات.
