١٠ ساڵی خەڵك و ١٠ رۆژی خۆیان
4/5/2023 2:18:00 PM
د. بەرهەم خالید
ماوەی ١٠ ساڵە لە سایەی سیاسەتی بەناو سەربەخۆ
فرۆشتنی نەوت خەڵكی هەرێم لە نەهامەتی و قەیران
و دڵەڕاوكێیا ژیان ئەگوزەرێنن
١٠ ساڵە بۆ جارێكیش
نەیانتوانی بودجە بهێننە پەرلەمان
١٠ ساڵ نەیانتوانی
لە كاتی خۆی و لە زستاندا بەرمیلێك لەو نەوتە بدەن بە خەڵك
١٠ ساڵە لە دەیان
هەزار دەرچووی زانكۆ نەیانتوانی چەند هەزار كەسێكیان دابمەزرێنن جگە لە دارودەستەی
خۆیان
لە ماوەی ئەو ١٠ ساڵەدا موچەی ٣ ساڵی فەرمانبەرانیان
بە پاساوی پاشەكەوت و لێبڕین و خۆگونجاندن و دواكەوتنەوە خوارد
لەو ١٠ ساڵەیا پلەبەرزكردنەوەی فەرمانبەرانی مەدەنییان
بە ناهەق راگرتووە دەیان هەزار فەرمانبەر و مامۆستایان لەو مافە بێ بەشكردووە و هەزاران
كەس بە كەمتر لە ماف و شایستەی خۆیان خانەنشین بوون
١٠ ساڵە داخستنی
دەرگای خوێندنگاو زانكۆ و نەخۆشخانەكان راینەچڵەكاندن و بێباك بوون بەرامبەر فەوتان
و پەككەوتنی خوێندن و خزمەتگوزارییەكان
١٠ ساڵە بە توندی
و گازی فرمێسكڕێژ و گوللە و چەك و شەق و گرتن و ڕفاندن وەڵامی خۆپیشاندەرانیان ئەدایەوە
كە داوای رێككەوتن لەگەڵ بەغدایان ئەكرد و
تەخوینی خەڵكیان ئەكرد
١٠ ساڵە خەڵك بەرگەی
بێ موچەیی و نەهامەتی و گیرفان بەتاڵی گرت، بەڵام خۆیان كاتێك دادگای پاریس لە ٢٥ی٣
بڕیاری راگرتنی نەوتی هەرێمی دەركرد، بەرگەی ١٠ رۆژیان نەگرت و لە كونفەیكونێكا بە
هەموو مەرجەكانی عێراق رازییبوون و ملكەچانە لەژێر سایەی ئاڵای عێراقدا ئیمزای تەسلییمبوونیان
كرد و بەناچاری رێگە راستەكەیان هەڵبژارد. ئێستاش لەبری داوای لێبوردن و داننان بە
شكستی فرۆشتنی نەوت بە سەركەوتن پێمان ئەفرۆشن.