ماوەى خۆتۆمارکردن لە پرۆسەى بایۆمەترى درێژدەکرێتەوە
09:06 - 19/11/2024
زەمەن - کوردستانى
سبەى 20ى تشرینى دووەم دوا وادەبوو بۆ خۆتۆمارکردن لە پرۆسەى بایۆمەترى، بەڵام بەهۆى پشووى سەرژمێرییەوە سبەینێ بایۆمەترى بۆ هیچ مووچەخۆرێک ناکرێت.
تاکو ئێستا 15 هەزار مووچەخۆر ماون کە بایۆمەترییان نەکردووە و کۆدى UPNيان بۆنەکراوە، بڕیاروابوو تا سبەى 20ى تشرینى دووەم ئەوانیش بایۆمەترییان بۆبکرێت و هیچ مووچەخۆرێک نەمێنێت بایۆمەترى و کۆدى UPNى نەبێت، لەدواى ئەو وادەیەى دیاریکرابوو، هەر مووچەخۆرێک بایۆمەترى نەبێت مووچەى نەدەنێ، بەڵام زەمەن زانیویەتى، پرۆسەى بایۆمەترى و دروستکردنى UPN تا کۆتایى ئەمساڵ درێژدەکرێتەوە.