لیژنەی هاوبەشی یەکێتی و پارتی کۆدەبنەوە
06:46 - 28/01/2025
زەمەن - کوردستانى
میدیاى فەرمیى یەکێتى نیشتمانى کوردستان رایگەیاندووە، سبەى چوارشەممە 29ى کانوونى دووەم لیژنەى هاوبەشى یەکێتى و پارتى بۆ ئامادەکردنی رەشنوسێک لەبارەی حکومەتی داهاتووی هەرێمی کوردستان کۆدەبنەوە.
بەگوێرەى راگەیەندراوەى میدیاى یەکێتى، گفتوگۆی لایەنە تەکنیکییەکانی پێکهێنانی حکومەتی نوێی هەرێمی کوردستان لەنیوان یەکێتی و پارتی بەردەوامی هەیە و سبەینێ جارێکی دیکە لیژنە هاوبەشەکەی هەردوولا کۆدەبنەوە.
هەروەها نووسیویەتى، لیژنە هاوبەشەکە ئەرکیانە رەشنوسێک لەبارەی چۆنێتی حکومەتی داهاتووی هەرێم ئامادە بکەن، کە لەئێستادا بەشێکی زۆری کارەکانیان تەواو بووە و پاشان رەشنوسی کۆتایی گفتوگۆکاکانی لیژنەکە دەخریتە بەردەم هەردوو وەفدی باڵای یەکیتی و پارتی بۆ بڕیاردان لەسەری.