تەحریر شام دەرگاى ماڵى مام جەلالى لە دیمەشق داخست
06:45 - 04/01/2025
زەمەن - کوردستانى
سەرتیپ جەوهەر، نووسەر و رۆژنامەنووس لە فەیسبووکى خۆى نووسیویەتى، تەحریری شام دەرگای ماڵی مام جەلالیان لەدیمەشق داخست.
سەرتیپ جەوهەر دەشڵێت، شەوی رابردوو ژمارەیەک چەکدار بەناوی ئەمنی عاممەی گروپی تەحریر شام، کلیلی ماڵەکەی رەوانشاد مام جەلالیان لە دیمەشق بردووە و دەرگاکەیان داخستووە.
بەگوێرەى نووسراوەکەى ئەو رۆژنامەنووسە کە لە فەیسبوکى خۆى بڵاویکردووەتەوە، باڵیۆزخانەی عێراق لە دیمەشق ئاگادارکراوەتەوە و دەستیانکردووە بە پەیوەندی و ناڕەزاییان گەیاندووە.
لەبارەى مێژووى خانووەتە نووسیویەتى، مام جەلال لەناوەڕاستی حەفتاكانی رابردوو بۆماوەیەك لەدیمەشق نیشتەجێبووە، بەقسەی مام جەلال خۆی ئەم شوقەیە كە دەكەوێتە گەڕەكی مەزرەعە لەناوەڕاستی دیمەشق لە ساڵی 1974 کڕیوە و تائێستا ماوە.