بەپەلە.. یەکشەممە مووچە دابەشدەکرێت
11:45 - 04/07/2024
زەمەن- هەولێر
لە راگەیەنراوێکدا وەزارەتی
دارایی و ئابوری ڕایگەیاند، بەشێک لە تەمویلی مووچەی مانگی حوزەیران خرایە سەر هەژماری
بانکی وەزارەتی دارایی.
بەپێی راگەیەنراوەکە
«کەمێک لەمەوبەر بڕی ( ٢٣١،٦٠٥،٥٣١،٠٠٠ ) دوو سەد و سی و یەک ملیار و شەش سەدو پێنج
ملیۆن و پێنج سەد و سی و یەک هەزار دینار وەک تەمویلی شایستەی مانگی حوزەیرانی کەسوکاری
شەهیدان، ئەنفالکراوان، زیندانیانی سیاسی، خاوەن پێداویستیە تایبەتەکان و خانەنشینانی
شارستانی و سەربازی خرایە سەر هەژماری بانکی وەزارەتی دارایی و ئابوری لە لقی هەولێری
بانکی ناوەندی عێراق.
هاوکات ئەوەشی خستەڕوو،
ڕۆژی یەکشەممە ٢٠٢٤/٧/٧ دەست بە دابەشکردنی مووچەی سەرجەم ئەو توێژانە دەکرێت کە لە
سەرەوە ئاماژە بەناوەکانیان دراوە و تەمویلەکەیان گەیشتووەتە سەر هەژماری وەزارەتی
دارایی.