"هەرێمی کوردستان ئۆتۆمبێلی کارەبایی دروستدەکات"
02:18 - 30/10/2024
زەمەن - هەرێمی کوردستان
د.محەممەد شوکری، سەرۆکی دەستەی وەبەرهێنەران دەڵێت:
ئۆتۆمبێلی کارەبایی لە هەرێمی کوردستان بەدەستی کرێکارانی خۆماڵی دروستدەکرێت.
ناوبراو بە میدیای پارتی وتووە: ساڵی داهاتوو ئۆتۆمبێلی
کارەبایی لە هەرێمی کوردستان بە دەستی کرێکارانی خۆماڵی دروست دەکرێت، کۆمپانیایەک
لە قۆناغی کۆتایی وەرگرتنی مۆڵەت دایە و ئێمەش وەکو حکومەت هەموو پاڵپشتییەکی دەکەین".
ئەوەش لەکاتێکدایە کە مانگی ئەیلوولی ئەمساڵ، كارگەی
"ئینفینیکس" بۆ دروستکردنی مۆبایلی زیرەك، وەک یەکەم کارگە لە ڕۆژهەڵاتی
ناوەڕاست بە هاوكاریی شارەزایانی چینی لە بواری تەكنەلۆژیا لە هەولێر کرایەوە.
کارگەکە مانگانە توانای دروستکردنی ٣٠ هەزار مۆبایلی هەیە.