دۆناڵد ترەمپ دراوێکی ئەلیکترۆنی بەناوی خۆیەوە خستە بازاڕەوە دروشمی دراوەکە شەڕ، شەڕ، شەڕە
11:07 - 19/01/2025
زەمەن - ئابوری
چەند ڕۆژێک بەر
لە دەست بەکاربوونی لە سەرۆکایەتی ئەمەریکا، دۆناڵد ترەمپ دراوێکی ئەلیکترۆنی
دروست کردووە و لە تۆڕی کۆمەڵایەتی خستوویەتەڕوو.
لە تۆڕی کۆمەڵایەتی the truth
social ترەمپ سەرۆکی هەڵبژێردراوی ئەمەریکا، دراوەکەی
بڵاوکردووەتەوە کە بە ناوی ترەمپ خۆیەتی و دروشمی سەر دراوەکەشی جەختکردنەوەی لە شەڕ
و نووسیوتی "شەڕ، شەڕ، شەڕ".
هەروەها ماڵپەڕێکی
تایبەتی بە ناوی get trump memes بۆ
کڕینی دراوەکە دروستکردووە، بە گوێرەی ماڵپەڕەکە سەرەتا 200 ملیۆن کۆین بەردەست دەبێت،
بڕیاریشە تاوەکوو سێ ساڵی داهاتوو ژمارەکە بۆ یەک ملیار بەرز بکاتەوە.
بەهای
دراوی دیجیتاڵیی ترەمپ، کە لە کاتی راگەیاندنیدا لە رۆژی شەممە (18-1-2025) تەنیا
18 سەنت بوو، بەخێرایی بەرزبووەوە بۆ 21 دۆلار و 51 سەنت، بە چەشنێک قەبارەی بازاڕی
ئەو دراوە دیجیتاڵییە ئێستا گەیشتووەتە نزیکەی 8 ملیار دۆلار.
بەوپێیەش
بەهای دراوی دیجیتاڵیی ترەمپ 119 هێندە بەرزبووەتەوە.
دراوی
دیجیتاڵیی ترەمپ لەلایەن کۆمپانیای (سی ئای سی دیجیتاڵ)ـەوە دامەزراوە، کە نزیکەی
لە رێکخراوەکانی ترەمپ.
کۆمپانیای (سی
ئای سی دیجیتاڵ) خاوەنی 80٪ ـی دراوی دجیتاڵیی ترەمپە و 200 ملیۆنی لەو دراوەی
خستووەتەڕوو، بەڵام بەنیازە ئەو ژمارەیە بەرزبکاتەوە بۆ یەک ملیار.