شۆفێران ئاگاداردەکرێنەوە.. ئەمشەو سەردانى ئەم ناوچەیە مەکەن
07:07 - 20/01/2025
زەمەن - کوردستانى
هاتوچۆی سیتەک ئاگاداری هاوڵاتیان دەکاتەوە لە ئێستادا بەهۆی بەفر بارینەوە ئاستەنگی هاتوچۆ لە ڕێگەی تونێلى بەرەو سیتەک دروستبووە.
هاتوچۆى سیتەک راشیگەیاندووە، بەهۆی بەفربارینەوە گرفت لە سەر ڕێگای تونێلى بەرەو سیتەک دروستبووە، تیمەکانی هاتوچۆ لەگەڵ ئاوەدانکردنەوە سەرقاڵی پاکردنەوەی ڕێگاکەن.
دەشڵێت، داوا لە هاوڵاتیان دەکەین ئەگەر بۆ کاری زۆر پێویست نەبێت سەردانی سیتەک نەکەن، لەبەرئەوەی ئاستەنگی هاتوچۆ هەیە و هاوکات ڕێگای سەر شاخی ئەزمەڕیش بەکارنەهێنن.