پۆلیسى راپەڕین: دوو باندمان دەستگیرکرد زیاتر لە 50 قازیان دزیوە
09:00 - 21/01/2025
زەمەن - کوردستانى
بەڕێوەبەرایەتى پۆلیسى راپەڕین رایگەیاند، دوو باندى دزیکردنیان دەستگیرکردووە، ژمارەیەکى زۆر قاز و کۆتریان دزیوە.
لە راگەیەندراوەکەى پۆلیسى راپەڕیندا هاتووە، دواى ئەوەى چەند هاووڵاتییەک لە بنکەى پۆلیسى ماکۆک سکاڵایان تۆمارکردووە و گوتوویانە، ژمارەیەکى زۆر قاز و کۆتریان لێدزراوە، پەڕاوى لێکۆڵینەوەیان بۆکرایەوە و بەدواداچوونەکانیان بۆ دۆسیەکە دەستیپێکرد.
پۆلیسى راپەڕین دەڵێت، دواى کەمتر لە 48 کاتژمێر دوو باندیان دەستگیرکردووە کە ژمارەیان 10کەس بووە تەمەنیان لەنێوان 16 بۆ 25 ساڵدا بووە، سەرجەمیان دانیان بەتاوانەکەیانداناوە و دەرکەوتووت زیاتر لە 50 قاز و ژمارەیەکى زۆر کۆتریان دزیوە.