میدیای سویدی: سەلوان مۆمیکا ئەو گەنجەی قورئانی سوتاند کوژراوە
01:48 - 30/01/2025
زەمەن:-
سەلوان مۆمیکا هاوینی 2023 کۆپییەکی قورئانی پیرۆزی سووتاند، ئەمەش کاردانەوەی تووندی موسڵمانانی جیهانی لێکەوتەوە و کارەکەیان سەرکۆنە کرد.
ئەمڕۆ پێنجشەممە، ٣٠ی کانوونی دووەمی ٢٠٢٥، میدیای سوید بڵاویکردەوە؛ سەلوان مۆمیکا پەنابەری عێراقیی تەمەن 38 ساڵ، دوێنێ شەو لە ناوچەی هۆڤشۆی شاری سۆدەرتەلیەی سوید کوژراوە.
هەر بەگوێرەى میدیا ناوخۆییەکانى سوید، پۆلیسى شارەکە، مۆمیکاى بە برینداریی لە شوقەکەیدا دۆزیوەتەوە و پاش گواستنەوەی بۆ نەخۆشخانە بەهۆی سەختی برینەکەیەوە گیانیلەدەستداوە.
هاوکات، هێزەکانی پۆلیس لە لێکۆڵینەوە بەردەوامن و پێنج کەسیان بەتۆمەتی کوشتنی مۆمیکا دەستگیرکردووە، بەبێ ئەوەی زانیاریی زیاتری لەبارەوە ئاشکرابکەن.
سەلوان مۆمیکا هاوڵاتییەکی عێراقییە ساڵی 2018 گەیشتووەتە سوید و مافی مانەوەی بۆ سێ ساڵ پێدراوبوو.