حەماس کوژرانی فەرماندەیەکی سەربازی پشتڕاستکردەوە
10:00 - 30/01/2025
زەمەن - جیهانی
دوای تێپەڕبوونی زیاتر لە حەوت مانگ بەسەر دەنگۆی کوژرانی محەممەد زەیف، فەرماندەی گشتیی باڵی سەربازیی حەماس، ئەمڕۆ بزووتنەوەی حەماس پشتڕاستیکردەوە.
محەممەد زەیف، فەرماندەی گشتی یەکینەکانی عیزەدین قەسام، باڵی سەربازیی حەماس بوو.
ئیسرائیل یەکی ئابی ساڵی رابردوو رایگەیاند، لە 13ی تەممووز هێرشیان کردووەتە سەر کامپی مەواسی لە باشووری کەرتی غەزە و محەممەد زەیف و ژمارەیەک فەرماندەی دیکەی قەسامیان کوشتووە، بەڵام حەماس هەواڵەکەی رەتکردەوە.
ئەمڕۆ ئەبو عوبەیدە، گوتەبێژی یەکینەکانی قەسام ئاشکرایکرد، هەواڵی کوژرانی محەممەد زەیف، فەرماندەی دەستەی ئەرکانی یەکینەکانی قەسام راستە.