نوێترین زانیارى لەبارەى مووچە گەیشت
07:34 - 30/01/2025
زەمەن - کوردستانى
بەگوێرەى ئەو زانیارییانەى دەست زەمەن کەوتوون، بڕیارە سبەى هەینى، شاندێکى حکومەتى هەرێمى کوردستان لەگەڵ شاندى عێراق کە چوار راپۆرتیان لەبارەى مووچەى مووچەخۆرانى هەرێمى کوردستان ئامادەکردووە، لەگەڵ تەیف سامى، وەزیرى دارایى عێراق کۆببنەوە.
زەمەن زانیویەتى، مەسعود بارزانى، سەرۆکى پارتى دیموکراتى کوردستان و مەسرور بارزانى، سەرۆکوەزیرانى عێراق پەیامیان بۆ سودانى ناردووە کە دەبێت کێشەى مووچە بەیەکجارى چارەسەربکرێت و نابێت چیتر تێکەڵاوى ململانێ سیاسییەکان بکرێت و وەکو کارتێکى فشار دژى هەرێمى کوردستان بەکاربهێندرێت، سودانیش بەڵێنى داوە کە سبەینێ هەموو کێشەکانى مووچە دەبێت چارەسەر بکرێن.
هەروەها، لە کۆبوونەوەى سبەینێى شاندى هەرێم و تەیف سامى، قسە لەسەر تەواوى مووچەى ساڵى 2025 دەکرێت نەوەک تەنیا مانگى یەک، لەبارەى مووچەى مانگى 12ى ساڵى رابردووش گفتوگۆ دەکرێت.