رابەری بزوتنەوەی ئیسلامی سەردانی تورکیای کرد
11:13 - 31/01/2025
زەمەن - هەرێمی کوردستان
وەزارەتی دەرەوەی توركیا لە تۆڕی ئێكس بڵاویكردەوە، وەفدێكی بزووتنەوەی ئیسلامی كوردستان بە سەرۆكایەتی عیرفان عەلی عەبدولعەزیزی رابەری بزوتنەوەكە سەردانی ئەنکەرەیان كرد و لەگەڵ نوح یەڵماز یاریدەدەری وەزارەتی دەرەوەی توركیا كۆبوونەوە.
لەم مانگەدا ئەمە پێنجەم كەسایەتی كوردە سەردانی توركیا دەكەن، پێشتر مەسرور بارزانی جێگری سەرۆكی پارتی و شاسوار عەبدولواحید سەرۆكی جوڵانەوەی نەوەی نوێ و سەڵاحەدین بەهادین ئەمینداری گشتی یەكگرتووی ئیسلامی كوردستان و مەنسور بارزانی فەرماندەی هێزی تایبەت و گوڵان، بە نۆرە بانگێشتی توركیا كران.