شاندى هەرێم بۆ پرسى مووچە گەیشتە بەغدا
08:34 - 30/01/2025
زەمەن - کوردستانى
ئێوارەى ئەمڕۆ شاندی حکومەتی هەرێمی کوردستان بە سەرۆکایەتى ئاوات شێخ جەناب، وەزیرى دارایى هەرێم گەیشتە بەغدا و بڕیارە سبەی لە ماڵی د. فوئاد حوسێن، جێگری سەرۆکوەزیران و وەزیری دەرەوەی عێراق لەگەڵ شاندی دارایی عێراق کۆببنەوە.
بەگوێرەى زانیارییەکانى زەمەن، لە کۆبوونەوەکەدا تەیف سامى وەزیرى دارایى عێراقیش ئامادە دەبێت و بڕیارە لەو کۆبوونەوەیەدا پرسى مووچە یەکلابکرێتەوە.