بەپەلە.. کۆمیسیۆن ئەنجامی هەڵبژاردنی پەرلەمانی کوردستانی پەسەند کرد
03:54 - 24/11/2024
زەمەن _ هەرێمی کوردستان
کۆمیسیۆنی هەڵبژاردنەکانی عێراق ئەنجامی هەڵبژاردنی پەرلەمانی کوردستانی پەسەند کرد و هەر ئەمرۆش ئاراستەی سەرۆکایەتیی هەرێمی کوردستان دەکات.
ئەمڕۆ یەکشەممە، ٢٤ی تشرینی دووەمی ٢٠٢٤، جومانە غەلای وتەبێژی کۆمسیۆنی باڵای سەربەخۆی هەڵبژاردنەکانی عێراق رایگەیاند: لە کۆبونەوەى ئەمڕۆیدا ئەنجومەنی کۆمیسیارانی سەر بە کۆمیسیۆنی هەڵبژاردنەکانی عێراق ئەنجامی هەڵبژاردنى خولی شەشەمی هەڵبژاردنی پەرلەمانی کوردستانی پەسەند کرد.
وتەبێژی کۆمیسیۆن ئاماژەی بەوەشدا، هەر ئەمڕۆ ئەنجومەنی کۆمیسیاران نوسراوی پەسەندکردنی ئەنجامی هەڵبژاردن، بە شێوەیەکی فەرمی ئاراستەی سەرۆکایەتیی هەرێمی کوردستان دەکات.