وەزارەتی دارایی: گشتاندنی دارایی تایبەت بە هەمیشەییکردنی فەرمانبەرانی گرێبەست ئاراستەی دام و دەزگاکانی هەرێمی کوردستان کرد
04:05 - 24/11/2024
زەمەن _ هەرێمی کوردستان
وەزارەتی دارایی هەرێم ڕایگەیاند: گشتاندنی دارایی ژمارە ٩ی ساڵی ٢٠٢٤ـی تایبەت بە هەمیشەییکردنی فەرمانبەرانی گرێبەست؛ ئاراستەی دام و دەزگاکانی هەرێمی کوردستان کرد.
ئەمڕۆ یەکشەممە، ٢٤ی تشرینی دووەمی ٢٠٢٤، وەزارەتی دارایی و ئابووریی حکومەتی هەرێمی کوردستان، گشتاندنی دارایی ژمارە ٩ی ساڵی ٢٠٢٤ـی تایبەت بە هەمیشەییکردنی فەرمانبەرانی گرێبەست؛ ئاراستەی دام و دەزگاکانی هەرێمی کوردستان کرد و بەپێی گشتاندنەکەی وەزارەتی دارایی و ئابووریی، فەرمانبەری گرێبەست دەبێت سێ ساڵ زیاتر خزمەتی هەبێت بۆ ئەوەی ببێتە فەرمانبەری هەمیشەیی.