ژنێکی کۆڵبەر کوژرا
05:10 - 24/11/2024
زەمەن –
کوردستانی
رێكخراوی مافی
مرۆڤی هەنگاو دەڵێت: ژنێکی کۆڵبەری خەڵكی ناوچەی نەوسودی رۆژهەڵاتی كوردستان، دوای
ئەوەی بەتەقەی راستەوخۆی هێزە چەكدارەكانی ئێران برینداركرا، بەهۆی سەختی برینەكەیەوە
لە نەخۆشخانە گیانی لەدەستدا.
ئەمڕۆ ٢٤ی
تشرینی دووەمی ٢٠٢٤، ڕێکخراوەکە ئاماژەی بەوە کردووە، ژنێكی كۆڵبەر بەناوی پرشنگ
قوباد زاهیری تەمەن ٢٦ ساڵ، خەڵكی هانە گەرمەڵەی سەر بە ناوچەی نەوسودی شاری پاوە،
بە هۆی سەختی برینەکانییەوە لە ئەنجامی بەرکەوتنی گولـلـەی هێزە چەکدارەکانی ئێران
لە یەکێک لە نەخۆشخانەکانی شاری کرماشان گیانی لەدەست دا.
ڕاشیگەیاندووە،
هێزە چەکدارەکانی ئێران ڕۆژی سێشەممەی رابردو، لە نزیک ناوچەی سنوریی هانە گەرمەڵە
لە پشتەوە تەقەیان لە پرشنگ قوباد زاهیری کردوە.
دەشڵێت: باوك و
برایەكی ئەو ژنە كۆڵبەرە كوژراوە، لەلایەن هێزە ئەمنییەکانی کۆماری ئیسلامیی ئێرانەوە
دەستبەسەر کراون.