دواى 454 رۆژ رۆژنامەنووس سلێمان ئەحمەد ئازادکرا
06:38 - 20/01/2025
زەمەن - کوردستانى
دواى 454 رۆژ لە دەستگیرکردنى ئەمڕۆ دووشەممە، سلێمان ئەحمەد، رۆژنامەنووسى دەزگای میدیایی رۆژ نیوز ئازادکرا.
سلێمان ئەحمەد لە رۆژی 25-10-2023 دواى گەڕانەوەى لە رۆژئاواى کوردستان بەتۆمەتى هەبوونى پەوەندى بە پەکەکەوە لە دەروازەی فیشخابوور لە لایەن ئاسایشی دهۆکەوە دەستگیرکرابوو.
بەشدار حوسێن، پارێزەری سلێمان ئەحمەد رایگەیاند، سلێمان ئەحمەد بەپێی مادەی 1 لە یاسای ژمارە 21ی ساڵی 2023ی پەرلەمان سزای زیندانی بۆ دەرچووبوو، پاش ئەوەی تانەمان لە بڕیارەکە دا، لە لایەن دادگای پێداچوونەوەی هەرێمی کوردستانەوە ئیفراج کرا.
دەشڵێت، سلێمان ئەحمەد داوای کردووە راستەوخۆ بگەڕێتەوە رۆژئاوای کوردستان و یەکەم کەس دایکی ببینێت، هەر بۆیە بە ئۆتۆمبێلی تایبەت بردمانە سەر سنوور و لەوێوە چووەوە رۆژئاوای کوردستان.