وەزارەتى دەرەوەى ئەمریکا: پێشوازى لە کۆبوونەوەکەى نێوان بارزانى و مەزڵوم عەبدى دەکەین
09:14 - 20/01/2025
زەمەن - کوردستانى
وەزارەتی دەرەوەی ئەمریکا، پێشوازیی لە کۆبوونەوەی نێوان مەسعود بارزانی، سەرۆکی پارتی دیموکراتی کوردستان و مەزڵوم عەبدی، فەرماندەی گشتیی هێزەکانی سووریای دیموکرات دەکات کە رۆژى 16ى ئەم مانگە لە پیرمام بەڕێوەچوو.
ئۆفیسی کاروباری خۆرهەڵاتی نزیک لە وەزارەتی دەرەوەی ئەمریکا پەیامێکی لە تۆڕى کۆمەڵایەتى ئێکس بڵاوکردووەتەوە و نووسیویەتى، "ئەمریکا پێشوازیی لە کۆبوونەوەکەی رۆژی 16ـی کانوونی دووەمی 2025 لە نێوان بارزانی و عەبدی دەکات.
دەشڵێت، "دیالۆگی ناوخۆیی نێوان کورد دەتوانێت رۆڵێکی گرنگ لە پتەوکردنی گواستنەوەیەکی گشتگیری سیاسیی لە سووریا بگێڕێت".