پەرلەمانی عێراق لەسەر پرسێکی تایبەت بە هەرێمی کودستان کۆدەبێتەوە
06:39 - 30/01/2025
زەمەن - کوردستانی
رۆژی یەکشەممە 2ی شوبات پەرلەمانی عێراق کۆدەبێتەوە و یەکێک لە تەوەرەکانی کۆبوونەوەکە، دەنگدان دەبێت لەسەر هەمواری یاسای بودجەی عێراق.
بەگوێرەی کارنامەی پەرلەمانی عێراق، یەکەم تەوەری کۆبوونەوەی دانیشتنی رۆژی یەکشەممەی داهاتووی پەرلەمان، تەیبەت دەبێت بە دەنگدان لەسەر هەمواری یاسای بودجەی عێراق بۆ ساڵەکانی 2023 و 2024 و 2025 کە تیایدا تێچووی بەرهەمهێنانی نەوتی هەرێمی کوردستان لە شەش دۆلارەوە بۆ 16 دۆلار بەرزکراوەتەوە.
ئەم کۆبوونەوەیەی پەرلەمانی عێرا و دەنگدان لەسەر پرۆژەی هەمواری بودجەی گشتی، دوای ئەوە دێت کە شەوی رابردوو، محەمەد شیاع سودانی، سەرۆکوەزیرانی عێراق لەگەڵ سەرۆک و هەردوو جێگرەکەی پەرلەمانی عێراق و سەرۆکی فراکسیۆنەکان لە پەرلەمان کۆبووەوە و رایگەیاند، پێویستە لە دانیشتنی داهاتووی پەرلەماندا دەنگ لەسەر ئەو هەموارەی یاسای بودجەی گشتی بدرێت کە لە ئەنجومەنی وەزیرانەوە پەسەندکراوە.
