مەسرور بارزانی: بەڵینەکەمان جێبەجێ دەکەین و تا کۆتایی ئەمساڵ یەک ملیۆن مووچەخۆر دەبن بە خاوەنی هەژماری بانکی
03:59 - 03/07/2024
زەمەن _ هەرێمی کوردستان
مەسرور بارزانی لە پۆستێکدا کە لە تۆڕی ئێکس بڵاویکردوەتەوە، لەسەر ڕونکردنەوەکەی دادگای فیدڕاڵی دەڵێت: "ئەم پێشکەوتنەی ئەمڕۆ، زیاتر هانمان دەدات تا پرۆسەی #هەژماری_من خێراتر بکەین.
ئەمڕۆ چوارشەممە ٣ی تەمووزی ٢٠٢٤، مەسرور بارزانی، سەرۆکی حکومەتی هەرێمی کوردستان، لە تۆڕی کۆمەڵایەتی ئێکس ڕوونکردنەوەیەکی لەسەر بڕیارەکەی دادگای فیدڕاڵی سەبارەت بە هەژماری بڵاوکردەوە و رایگەیاند: بەڵینەکەمان جێبەجێ دەکەین و تا کۆتایی ئەمساڵ یەک ملیۆن مووچەخۆر دەبن بە خاوەنی هەژماری بانکی.
هەروەها لەبارەی چارەسەری کێشەکانی نێوان هەولێر و بەغداد، دڵنیایی دەدات.
دەقی پەیامەکە:
پێشوازی لە ڕوونکردنەوەی ئەمڕۆی دادگای باڵای فیدراڵی دەکەم سەبارەت بە بەشداربوونی بانکە حکومی و تایبەتەکان لە پرۆسەی بەبانکیکردنی مووچەی هەرێمی کوردستان، #هەژماری_من.
وەک هەمیشە داکۆکیم کردووە، دەبێت هاووڵاتییانی هەرێمی کوردستان هەمان مافی بەشەکانی دیکەی عێراقیان هەبێت لە هەڵبژاردنی بانکی دڵخوازی خۆیان بۆ وەرگرتنی مووچەکانیان، بەو مەرجەی بانکەکان لەلایەن بانکی ناوەندیی عێراق @CBIiraq مۆڵەتیان پێبدرابێت و پەسەند کراو بن. ڕوونکردنەوەکەی ئەمڕۆ ئەو مافە بنەڕەتییە دووپات دەکاتەوە.
داوا لە مووچەخۆرانی هەرێمی کوردستان دەکەم بە زووترین کات خۆیان تۆمار بکەن.
ئەم پێشکەوتنەی ئەمڕۆ، زیاتر هانمان دەدات تا پرۆسەی #هەژماری_من خێراتر بکەین و بەڵێنەکەمان جێبەجێ بکەین کە تا کۆتایی ئەمساڵ، یەک ملیۆن مووچەخۆر ببن بە خاوەن هەژماری بانکی. هەروەها دڵنیایی زیاتر بە پەیوەندییەکانی نێوان هەولێر و بەغدا دەدات و ڕێگە بۆ چارەسەرکردنی ناکۆکییەکانی دیکە خۆش دەکات.