نووسەرێکى ناودارى کورد کۆچى دوایى کرد
07:09 - 28/12/2024
زەمەن - کوردستانى
مەنسور یاقووتی، نووسەر، وەرگێڕ و رەخنەگری ناودارى کورد ئەمڕۆ لە شارى کرماشانى رۆژهەڵاتى کوردستان لە تەمەنی 75 ساڵیدا بەهۆى نەخۆشییەوە کۆچی دوایی کرد.
مەنسور یاقووتی، ساڵی 1949 لە گوندی کیوەنانی سنووری کرماشان لەدایکبووە، چەندین رۆمان، کتێب و لێکۆڵینەوەی نووسیوە کە بەشێکیان کراونەتە کوردیی شێوەزاری سۆرانی.
نووسەر و وەرگێڕی دیاری کورد، عەزیز گەردی، چەند کتێبێکی ئەو نووسەرەی لە فارسییەوە وەرگێڕاوەتە سەر زمانی کوردی، دیارترینیان ئەمانەن:
- چرایەک لەسەر مادیان کۆ
- بیرەوەرییەکانی مامۆستایەک
- لاوەچ
- کرمانج
مەنسور یاقووتی، دوای ماوەیەک تووشبوون بە نەخۆشی، ئەمڕۆ لە ماڵەکەی خۆی دا لە کرماشان کۆچی دوایی کرد.