نێچیرڤان بارزانی پەیامێکی ئاراستەی سەڵاحەدین محەمەد بەهائەدین کرد
11:40 - 29/12/2024
زەمەن – هەرێمی کوردستان
نێچيرڤان بارزانى، سه‌رۆكى
هه‌رێمى كوردستان له په‌يوه‌ندييه‌كى ته‌له‌فۆنيدا، به بۆنه‌ى هه‌ڵبژاردنه‌وه‌ى
به ئه‌ميندارى گشتيى يه‌كگرتووى ئيسلاميى كوردستان و سه‌ركه‌وتنى كاره‌كانى كۆنگره
و هه‌ڵبژاردنى سه‌ركردايه‌تيى نوێی حزبه‌كه‌يانه‌وه، پيرۆزبايى له مامۆستا سه‌ڵاحه‌دين
محه‌مه‌د به‌هائه‌دين و يه‌كگرتووى ئيسلاميى كوردستان كرد و هيواى سه‌ركه‌وتنى بۆ
خواستن.
هەر لە پەیامەکەدا، نێچيرڤان
بارزانى ئاماده‌يى و پێگه‌ى به‌ڕێز مامۆستا سه‌ڵاحه‌دين محه‌مه‌د به‌هائه‌دين و يه‌كگرتووى
ئيسلاميى كوردستانى له ژيان و پرۆسه‌ى سياسى له هه‌رێمى كوردستان و عێراقدا به‌رز
نرخاند و هه‌موو پشتگيرييه‌كى بۆ خۆی و يه‌كگرتووى ئيسلامى دووپات كرده‌وه.
هاوکات نێچیرڤان
بارزانی تيشكى خسته سه‌ر ڕۆڵى ديار و چاكه‌خوازانه‌ى به‌ڕێز ئه‌ميندارى گشتى و يه‌كگرتووى
ئيسلامى له پاراستنى ته‌بايى له‌نێوان هێز و لايه‌نه سياسييه‌كانى كوردستاندا و
جه‌ختى له پێويستى و گرنگيى به‌رپرسياريه‌تيى هاوبه‌ش و نيشتمانيى هه‌موو لايه‌نه‌كان
له قۆناغى ئێستاى هه‌رێمى كوردستان و عێراق و ناوچه‌كه‌دا كرده‌وه.
لەبەرانبەردا، ئه‌ميندارى
گشتيى يه‌كگرتووى ئيسلاميى كوردستان، وێڕاى ده‌ربڕينى سوپاس و پێزانينى خۆى و يه‌كگرتووى
ئيسلاميى كوردستان بۆ په‌يوه‌ندى و پيرۆزباييى سه‌رۆكى هه‌رێمى كوردستان، ستايشى ڕۆڵ
و هه‌وڵه‌كانى به‌ڕێزيانى بۆ پاراستنى ته‌بايى و پێكه‌وه‌يى له‌نێوان هێز و لايه‌نه
سياسييه‌كان و پێكهاته‌كانى كوردستاندا كرد و هيواى سه‌ركه‌وتنى بۆ خواست.