هاووڵاتیەک 17 هەزار و 500 دۆلارى دۆزییەوە و گەڕاندییەوە بۆ خاوەنەکەى
06:54 - 29/01/2025
زەمەن - کوردستانى
بەڕێوەبەرایەتى پۆلیسى پارێزگاى هەولێر رایگەیاند، هاووڵاتییەکى عەرەب پاش ئەوەى بڕێکى زۆر پارەى لێکەوتووە، هاووڵاتییەکى کورد پارەکەى دۆزیوەتەوە و بۆى گەڕاندووەتەوە.
پۆلیسى هەولێر راشیگەیاندووە، هاووڵاتیە عەرەبەکە لە شاری بەغداوە سەردانی هەرێمی کوردستانى کردووە بەمەبەستی کڕینی ئۆتۆمبێل و بڕی (17 هەزار و 500 دۆلار) لەگەڵ خۆی هێناوە، پارەکەى ون کردووە، دواتر هاووڵاتیەکى کورد پارەکەى دۆزیوەتەوە و بۆى گەڕاندووەتەوە.
دەشڵێت، ئەو کەسەى پارەکەى دۆزیوەتەوە پەیوەندی بە هێڵی گەرمی بەڕێوەبەرایەتیمان بە ژمارە (066137) کردووە و پارەکەى ڕادەستی پۆلیس کردووە، دواتر خاوەنەکەى ئاگادارکراوەتەوە و بۆى گەڕێندراوەتەوە.