676وتار

ساروخەکانی ھەولێر و بڕیاری دادگای فیدراڵی عێراق بۆ لەم کاتەدا؟

3/13/2022 8:24:00 PM

ئومێد خدر

لەچەند رۆژی ڕابردودا دادگای فیدراڵی عێراق لەسەر سکاڵایەکی ساڵی ٢٠١٢ بڕیاری ھەڵوەشاندنەوەی یاسایی نەوت و غازی ھەرێمی کوردستانی دەرکرد وبەنایاسایی وەسفی کرد، بڕیاری دادگای فیدڕاڵی عێراق لەکاتێکدایە کە ڕووسیاو ئۆکراینا لەشەڕدان،لەم شەڕەدا ناتۆو یەکێیتی ئەوروپا ھاوسۆزن لەئۆکراینا لەڕووی دارای و چەک و تەقەمەنی ھاوکاری مرۆیی ڕاھێنانی سەربازی یارمەتی ئۆکراینەکان دەدەن.

چونکە بەداگیرکردنی ئۆکراینا ئاسایشی یەکێیتی ئەوروپاو ناتۆ ئەگەر نەڵێین دەکەوێتە مەترسیەوە دەتوانتن بڵێین لاواز دەبێت،بۆیە ئەوروپیەکان دەیانەوێ بەچەند سزایەک کەدەیخەنە سەر رووسیا بەشداربن لەھاوکاری کردنی ئۆکرانیەکان و ئابڵوقەی ئابوری بخەنە سەر ووسیا، ڕووسیا لە٨٠./. غازی ئەوروپا دابین دەکات بەھۆی ئەم شەڕەی ڕووسیاو ئۆکراینا ئەوروپا نایەوێ غاز لەرووسیا بکڕێت بەدوای بەدیلدا دەگەڕێن یەکێک لەبەدیلەکان غازی ھەرێمی کوردستانە،کەلەڕێگەی قەتەرو تورکیاوە ھەناردەی ئەوروپا بکرێت،ئێرانیەکانیش دەیانەوێ غازی خۆیان ببێتە بەدیلی غازی ڕو وسیا بۆ ئەوروپا، ئەم ھەنگاوەی ھەرێم کەدەیانوێ غاز بەئەوروپا بفرۆشن بۆتە جێگای توڕەی ئێرانی و ڕووسیەکان،ھەندێک لەسەرچاوە ناڕەسمیەکان باس لەوە دەکەن کە جێگری پوتن بەر لەدەستپێکی شەڕی ئۆکرایناو ڕووسیا ھاتۆتە ھەولێر ھۆشداریداوە لەفرۆشتنی غاز بەئەوروپیەکان لەمەشدا ئێران ھاوھەڵوێستە لەگەڵ ڕووسەکان چونکە ئەیەوێ خۆی غاز بەئەوروپیەکان بفرۆشێت لەڕێگەی عێراق و سوریاوە،دوای ئەوە بینیمان ھەریەک لەسەرۆکی ھەرێم و سەرۆکی حکومەت بەجیا سەفەریان کرد بۆ قەتەڕو تورکیا ئەوان لەسەفەرەکە نەگەڕابونەوە کە دادگای فیدڕاڵی بڕیاری ھەڵوەشاندنەوەی یاسای نەوت و غازی ھەرێمی کوردستانی دەرکرد، بڕیاری دادگای فیدڕاڵی و موشەکبارانکردنی ھەولێر لەتارانەوە دراوە وەکو فشارێک بۆ سەر دەسەڵاتدارانی ھەولێر تاوەکو بیر لەفرۆشتنی غازی سروشتی نەکەنەوە بەئەوروپا،پەیامی ئێرانیەکان ئەمجارە ھەم ڕوونە ھەم توندە لەبەر ئەوەی بەشێک لەسارووخەکان لەماڵی بەڕێوبەری کۆمپانیای کاریدا، ھەروەھا یەکەمجارە سوپای پاسداران ھێرشە موشەکیەکانی سەر ھەولێر بخاتە ئەستۆی خۆی.پرسیارەکە لێرە ئەوەیە ئایا کارتی فشاری داھاتووی ئێران لەسەر ھەرێم وھەولێر چی دەبێت ؟

بچوکردنەوەی ھەرێم دەبێت لەڕێگای دادگای فیدڕاڵی عێڕاقەوە یاخود لەھێرشە موشەکیەکانی بەردەوام دەبێت.لەبەرامبەردا قەتەرو تورکیاو ئەمریکا چی دەکەن بۆ پاراستنی ھەرێم لەمەترسیەکانی ئێران و بەرەکەی؟گرنگە دەسەڵاتدارانی ھەرێم بەشێوەیەکی ئاقڵانەو دوور لەدەمارگیری ھاوسەنگی بپارێزن و ئاقڵانە مامەڵە لەگەڵ دۆخە ئیقلیمی و نێودەوڵەتیەکە بکەن بەرژەوەندیەکانی خەڵک و ھەرێم لەبەرچاو بگرن، نەوت و غاز بخەنە خزمەتی خەڵک.