بەغداد داواکاریی نوێی بۆ لیستى موچەى فەرمانبەران هەیە
10:13 - 19/09/2024
زەمەن - هەرێمی کوردستان
بەغداد لیستێكی
نوێی ئاڕاستەی حكومەتی هەرێمی كوردستان كردوە كە تیایدا داوای زانیاری نوێ لە فەرمانبەران
دەكات (كەی ئێن ئێن)یش ناوەڕۆك و كاتی گەڕاندنەوەی لیستەكە ئاشكرا دەكات.
دوای سەردانەكەی تەیف سامی، وەزیری دارایی عێراق و شاندە باڵاكەیان
بۆ هەرێمى کوردستان، وەزارەتی دارایی فیدراڵ لیستێكی نوێی ئاڕاستەی هەرێم كردوە و
داوای كردوە لەلایەن فەرمانگەكانەوە سەرجەم خشتەكانی پڕبكرێنەوە و بكرێنە بنەما بۆ
لیستی موچەی مانگی (10ـی 2024).
لیستە نوێیەكەی وەزارەتی دارایی فیدراڵ، لەڕێگەی گەنجینەكانەوە ئاڕاستەی سەرجەم فەرمانگەكانی
حكومەتی هەرێم كراوە و تیایدا داوای ناوی دایك، بەرواری لەدایك بون، رەگەزی فەرمانبەر
و رۆژی دەستبەكاربون و هەندێك زانیاری دیكەی لەخۆگرتوە، داوای كردوە بۆ موچەی مانگی
(10) بگەڕێندرێتەوە بۆ وەزارەتی دارایی.
لای خۆشیانەوە گەنجینەكان لەڕێگەی گروپی تۆڕە كۆمەڵایەتییەكانەوە
لیستە نوێیەكەیان بۆ فەرمانگەكان ناردوە و داویانكردوە كە لەماوەیەكی كورتدا لیستەكە
ئامادەبكەن و بیگەڕێننەوە بۆیان.
سەرچاوە: کەی ئێن ئێن