وێنە..شەش چەکداری داعش لە سنووری کەرکوک کوژران
01:30 - 19/09/2024
زەمەن - کەرکوک
شانه‌ی راگه‌یاندنی ئه‌منیی عێراق ئاشکرایکرد، لە ئۆپەراسیۆنێکی
هاوبەشدا سه‌ركرده‌یه‌كی داعش و پێنج چه‌كداری دیكه‌ی ئه‌و ڕیكخراوه تیرۆریستییه‌ی
لە کەرکوک کوژران.
لە ڕاگەیەندراوێکدا شانه‌ی راگه‌یاندنی ئه‌منیی عێراق باسی
لەوە کردووە، پاڵپشت بە بڕیاری محەممەد شیاع سودانی سەرۆکوەزیرانی عێراق و فەرماندەی
گشتی هێزە چەکدارەکانی عێراق، دوای کارکردنێکی وردی دەزگای هەواڵگری عێراق، کە زیاتر
لە دوو مانگی خایاند، ئەمڕۆ سێ بۆردوومان لە ناوچەی ئۆپەراسیۆنەکانی کەرکووک ئەنجامدرا.
دەشڵێت: سه‌ركرده‌یه‌كی داعش به‌ناوی (عومه‌ر سه‌ڵاح
نعمه) ناسراو به (ئه‌بوو خه‌تاب)، مه‌ترسیدارترین سه‌ركرده‌ی داعش و فه‌رمانده‌یی
كه‌رتی ئه‌لبووحه‌مدانی به‌ناو ویلایه‌تی كه‌ركووك و تیرۆریستێكی تر به‌ناوی
(عوسمان ئه‌بوو عه‌بد) و هه‌روه‌ها تیرۆریستێكی تر به‌ناوی (عزه‌دین هیشام) كوژران
و به گشتیی شه‌ش تیرۆریست كوژران.
