سەرکردەیەکى دیارى تورکیا: پێویستە مافى کورد لە تورکیا پارێزراوبێت
06:38 - 06/01/2025
زەمەن - کوردستانى
ئەحمەد داودئۆغڵو، سەرۆکى پارتى ئایندەى تورکیا بۆ میدیاکان رایگەیاند، پێویستە مافى کورد لە تورکیا پارێزراوبێت.
ئەمڕۆ دووشەممە، شاندی دەم پارتی و پارتی ئاییندەی تورکیا کۆبوونەوە. ئەحمەد داودئۆغڵو، سەرۆکی پارتی ئاییندە لە لێدوانێکی رۆژنامەنووسیدا گوتی، پێویستە کورد لە تورکیا مافیان پارێزراو بێت، گوتیشى، پێویستە بیر لەوە بکرێتەوە کە کورد و تورک بە ئاشتی بژین.
شاندى دەم پارتى دوای تەواوکردنی دیدار و کۆبوونەوەکانیان لەگەڵ لایەنە سیاسی و رێکخراوەکانی کۆمەڵگەی مەدەنی، بڕیارە رۆژی 10ـی کانوونی دووەمی 2025 بۆ جاری دووەم سەردانی دوورگەی ئیمراڵی بکەنەوە و چاویان بۆ عەبدوڵا ئۆجەلان بکەوێتەوە.
ئەوەش لە کاتێکدایە کە شاندەکەی دەم پارتی 28-12-2024 سەردانی دوورگەی ئیمراڵییان کرد.