ئێستا.. کەسێک لە شاخ هەڵدێراو گیانی لەدەستدا
10:54 - 07/01/2025
زەمەن _ سۆران
گەشتیارێکی عەرەب لە بەرزی ٣٠٠م لە گەلی عەلی بەگی سەر بە ئیدارەی سەربەخۆی سۆران کەوتە خوارەوە و گیانی لەدەستدا
ئەمڕۆ سێشەممە، ٧ی کانوونی دووەمی ٢٠٢٥، سێ گەشتیاری عەرەب بە مەبەستی ئەنجامدانی وەرزشی بەیانیان، چونەتە ناوچەکە و پاشان بەهۆی نەشارەزاییان چونەتە سەر رێگەی بێخاڵ، دواتر یەکێک لە گەشتیارەکان لە بەرزی 300 مەتر کەوتوەتە خوارەوە.
بەپێی زانیارییەکان، ئەو گەشتیارەی گیانی لەدەستداوە تەمەنی ٤٠ ساڵە و بەرەگەز عەرەبە و خاوەنی یەکێک لە کۆمپانیا گەشتیارییەکانە.
هاوکات، تیمەکانی بەرگری شارستانی سەرقاڵی دەرهێنانەوەی تەرمەکەن، بەڵام بەهۆی سەختی شوێنەکەوە کاتی دەوێت.