لە هەولێر تەقینەوەیەک روویدا و چوار پێشمەرگە بریندارن
08:05 - 06/01/2025
زەمەن - کوردستانى
پاشنیوەڕۆى ئەمڕۆ دووشەممە، لەناو فەرماندەیى زێرەڤانى لە هەولێر بۆمبێکى بچوک تەقوەتەوە و بەهۆیەوە ئەفسەرێک و سی پێشمەرگە برینداربوون.
بەگوێرەى زانیارییە سەرەتاییەکان، رووداوەکە لە کاتژمێر 1:30 بۆ 2:00ى پاشنیوەڕۆى ئەمڕۆ روویداوە، بۆمبە بچوکەکە لەکاتى مەشقدا تەقیوەتەوە، بەهۆیەوە ئەفسەرێک و سێ پێشمەرگە برینداربوون.
هەر بەگوێرەى زانیارییەکان، یەکەى ئەندازەى هەڵگرتنەوەى مین و تەقەمەنى زێرەڤانى خەریکى مەشق بوون، لەو کاتەدا بۆمبێکى بچووک کە راهێنانیان لەسەرکردووە بەربووەتەوە و پیایاندا تەقیوەتەوە.
بەگوێرەى ئەو زانیارییانەى دەست زەمەن کەوتوون لە تەندروستى هەولێر، برینى بریندارەکان سوکە و مەترسیى لەسەر ژیانیان نییە.