بەپەلە... شارباژێڕو چیای ئاسۆس بۆردومانكراو شەهیدو بریندار هەیە
01:07 - 06/02/2025
زەمەن:-
فڕۆکە جەنگی تورکیا، سنووری گوندی گەڵالە لە قەزای ماوەتی پارێزگای سلێمانی بۆردومانكرد و شەهید و بریندار هەیە.
ئەمڕۆ پێنجشەممە، ٦ی شوباتی ٢٠٢٥، كاتژمێر ١٠:٤٧ خولەك، فڕۆكەی توركیا، دۆڵی ژاژۆڵان و کوێرەکانی و کێوی کوریس لەسنوری گوندی گەلالە لە قەزای ماوەتی پارێزگای سلێمانی بۆردومانكرد.
هاوکات، سێ شوین بە فرۆکەی جەنگی کراونەتە ئامانج، بەڵام بەهۆی مەترسی دوبارەبونەوەی هێرشەكە و بارینی بەفرێكی زۆر، كەس ناتوانێت بچێتە شوێنی بۆردومانەكان.
ئەوەشزانراوە، لەئێستادا بەوردی زیانەكان و ژمارەی کوژرا و بریندار نازانرێت.