بریندارێکی رووداوەکەى نێوان کەلار - کفری گیانی لەدەستدا
08:22 - 22/02/2025
زەمەن - کوردستانى
بەڕێوەبەرایەتى هاتووچۆى گەرمیان رایگەیاند، یەکێک لە بریندارەکانی رووداوى هاتووچۆکەی ڕێگای کەلار - کفری بەهۆی سەختی برینەکەیەوە گیانی لەدەستدا.
هاتوچۆى گەرمیان راشیگەیاندووە، دوای ئەوەی ئێوارەی ئەمڕۆ شەممە ئۆتۆمبێلێکی جۆری کیا سپۆرتاج لە نزیک گوندی سەیدە بەئاراستەی کەلار هاتووە، کۆنترۆڵی لەدەستدا و وەرگەڕا، بەهۆیەوە دووکەس برینداربوون، کە شۆفێر و سەرنشینێکی ئۆتۆمبێلەکەبوون دەست بەجێ گواسترانەوە بۆ نەخۆشخانە، بەهۆی سەختی برینەکەیەوە سەرنشینی ئۆتۆمبێلەکە گیانی لەدەستدا.
دەشڵێت، ئەوکەسەی گیانی لەدەستداوە لەدایکبووی ساڵی 1970ـیە، لەئێستادا تەرمەکەی لەپزیشکی دادی کەلارە و لێکۆڵینەوە لەڕووداوەکە بەردەوامه.