زیاتر لە سێ هەزار خانەنشین لە هەژمارى من تۆمارکران و کارتى بانکییان بۆکرا
07:59 - 28/04/2025
زەمەن کوردستانى
پرۆژەى هەژمارى من رایگەیاند، سێ هەزار و 300 خانەنشینى دیکە لە پرۆژەى هەژمارى من کارتەکانیان تەواوبووە و داوا دەکات بچن لە بانک وەریبگرنەوە.
بەگوێرەى راگەیەندراوێکى پرۆژەى هەژمارى من، پڕۆسەی دابەشکردنەوەی کارتی بانکیی سوودمەندانی هەژماری من بەردەوامە و ئەمجارەش بەشێک لە خانەنشینان کارتی بانکییان بۆ ئامادە کراوە و دەتوانن لە بانکی عەنکاوەی شاری هەولێر وەریبگرنەوە و لەمەودوا سوودمەند بن لە خزمەتگوزارییە بانکییەکان و ئاسانکارییەکانی ڕاکێشانی مووچە.