ئەگەری گورزی سەربازی لە ئێران
3/9/2023 11:20:00 PM
فازڵ کوردی
لێکدانەوەکان بەو ئاڕاستەیەن کە سەردانە مەککوکیەکانی
وەزارەتی بەرگری بۆ ناوچەکە بەتایبەتی سەردانی وەزیری بەرگری زیاتر پەیوەندی بە وەشاندنی
گوورزێکی سەربازیە لە ئێران!
وەزیری بەرگری سەردانی چەندین ووڵاتی ناوچەکەی
کردووە بە کوردستانی باشوور و ڕۆژئاڤا کە هەژمار دەکرێن بە دوو کارەکتری گرنگ لە
ناوچەکە لە ئەگەری ڕوبەڕوو بوونەوەی سەربازی!
ئەو سەردانە گەورە ئەفسەرانی وەزارەتی بەرگری بە
خودی وەزیری بەرگری و گەیاندنی نامەی بایدن بۆ ئەو ووڵاتانە دەکرێ بکرێتە دەرەنجامی
گورزی سەربازی و لە هەمان کات بکرێتە فشارێک لەسەر ئێران بۆ گەڕێکی دیکەی بەرنامە
ئەتۆمیەکەی.
گەیاندنی نامە تایبەتەکەی بایدن بۆ سەرۆکی ئەو
ووڵاتانە ئامادەکاری و بەدەستهێنانی پشتگیری ووڵاتان و کارەکتەرەکانی ناوچەکەیە لە
ئەگەری ڕووبەڕوو بوونەوە و وەشاندنی گوورزی سەربازی لە ئێران.
ئەوەی من سەرنجم داوە، دیارە لەوانەیە ڕۆژێک هەر
ئەو پێکدادانە سەربازیە ڕوبدات.
بەڵام کەمێکیش ئاسان نیە لەبەر ئەوەی شەڕی ڕوسیاو
ئۆکرانیا کۆتاییەکەی دیار نیە و بەرەیەکی نوێی جەنگ بکرێتەوە. ئەرکەکان قورس دەبن.
یان ڕەنگە تەنها بۆ فشارێکی کاتی ناوخۆی ئەمریکا
بێت بۆ هێوەر کردنەوەی هەندێ لەو هەڵاوسانی ناڕەزایی کۆماریەکان و بەرنامەی
هەڵبژاردنی دیموکراتەکان لە ئەمریکا! ئەگینا ئەو
شارە زەردەواڵەیە دەمێک بوو دەورووژێندرا!
هیچ بەڵگەیەکی کۆنکریتیم لەبەر دەست نیە بۆ پشتڕاست
کردنەوەی ئەو ئەگەرانە، بەڵام ئەوەی من ئاگاداربم و بەپێی ئەزموونی کارکردنم لە هەردوو
وەزارەت، وەزارەتی دەرەوە ترسێکی زۆریان هەیە لە ئێران بە تایبەتی لە ڕوبەڕوبوونەوەی
سەربازی و گۆڕینی ڕژێم لە ئێران!
زۆر بەڕاشکاوی ئەو نیگەرانیە هەستی پێدەکرێ و بە
ئاشکراش باسی دەکەن!
بەڵام ئەوەی جێگای سەرنجە ئەو جمووجۆڵەی بەم
دوواییە جمووجۆڵی وەزارەتی بەرگریە!!
هەردوو وەزارەتیش یەکتر ناخوێننەوە! نەخوێندنەوەی
یەکتر بۆتە کەلتوور لەنێوان ئەو دوو وەزارەتە!
جێگای ئاماژەیە، ئازەریە ئێرانیەکانن ڕژێمی ئێرانیان
ڕاگرتووە!
چونکە ڕاپۆرتە هەواڵەکان ئەوە پشتڕاست دەکەنەوە
کە لایەنی سەربازی و هەوڵگری ئێران بە دەست ئازەریەکانە!
هەتا ئازەریەکان پشتگیری لەو ڕژێمە بکەن، بە
فشاری خۆپیشاندەران ئەو ڕژێمە کۆتایی نایێ! لەبەر ئەوە ئەو شارە زەردەواڵەیە بە
کردەیەکی سەربازی و پشتگیری دەرەکی نەبێ کۆتایی نایێ.