هەواڵێکی ناخۆش لەبارەی مووچەوە
01:58 - 07/09/2024
زەمەن - عێراق
شارەزایەکی ئابوری عێراق دەڵیت: ئەگەر نرخی نەوت بەو شێوەیەی ئێستا بمێنێتەوە،
ئەوا لەماوەی شەش مانگی داهاتوودا پێدانی موچە دوادەكەوێت و رەنگە كەمیش بكرێتەوە.
نەبیل مەرسومی،
شارەزای ئابوریی عێراقی لە هەژماری خۆی لە فەیسبووک نووسیویەتی: بەهۆی دابەزینی نرخی نەوت بۆ 70 دۆلار و كەمكردنەوەی
هەناردەی نەوتی عێراق بۆ 3.3 بەرمیل نەوتی رۆژانە، داهاتی نەوتی مانگانەی عێراق بۆ
9 ترلیۆن دینار كەم دەبێتەوە.
ناوبراو
روونیشیکردەوە، لەو نۆ ترلیۆن دینارە، مانگانە یەك ترلیۆن دیناری بۆ خەرجی كۆمپانیا
نەوتییەكان دەڕوات و هەشت ترلیۆن دیناری لێ دەمێنێتەوە كە ئەوەش بەنزیكەیی تەنیا بەشی
موچە دەكات كە تەواوی موچە لە عێراق مانگانە 7.5 ترلیۆن دینارە، ئەوەش لەكاتێكدا كە
نیو ترلیۆن دیناریش لەو داهاتە نەوتییە تەرخان دەكرێت بۆ بابەتەكانی پسوڵەی خۆراك.
هەروەها دەڵێت:
بۆیە پێشبینی دەكرێت ئەگەر نرخی نەوت بەو شێوەیەی ئێستا بەردەوام بێت ئەوا لە ماوەی
شەش مانگی داهاتوودا پێدانی موچە دوابكەوێت و رەنگە موچە كەمیش بكرێتەوە.