قوباد تاڵەبانی گلەی لە راگەیاندنەكان دەكات كە وێنەی سلێمانیان شێواندووە
01:16 - 27/04/2025
زەمەن – هەرێمی كوردستان
ئه‌مڕۆ یه‌كشه‌ممه
له‌میانی وتارێكدا له مه‌ڕاسیمی واژۆكردنی گرێبه‌ستی دو كۆمپانیای هه‌رێمی
كوردستان و كۆمپانیایه‌كی ئه‌مریكی، قوباد تاڵەبانی ڕایگه‌یاند، "واژۆكردنی
ئه‌و گرێبه‌سته نامه‌یه‌كی ڕونه بۆ هه‌مو جیهان كه كوردستان ده‌رگای به‌ڕوی كۆمپانیا
گه‌وره‌كانی جیهاندا كراوه‌یه و ده‌توانن ڕوی تێبكه‌ن و وه‌به‌رهێنانی تیادا بكه‌ن،
وه‌ربن ببینن له‌م هه‌رێمه‌دا چه‌ند ده‌رفه‌تی گه‌وره هه‌یه بۆ گه‌شه‌كردن و داهێنان".
ئاماژه‌ی به‌وه‌شكرد،
"ئه‌وله‌ویه‌تی ئێمه هه‌مه‌چه‌شنكردنی ئابوری كوردستان و به‌هێزكردنی ژێرخانی
هه‌رێمی كوردستانه و سیاسه‌ته‌كانیشمان هه‌میشه له‌پێناو ئه‌و ئامانجه بوه".
قوباد تاڵەبانی
وتیشی، "ده‌مه‌وێت سوپاسی هه‌مو كۆمپانیایانه بكه‌م كه چه‌ندین ساڵه كاری
جوان و به‌هێزیان كردوه له سلێمانی و ئه‌م ده‌ڤه‌ره، نه‌یانهێشت ئەو هەمو ریکلام
و پروپاگەندانەی لەسەر سلێمانی دەکران، کاریگەری لەسەر کارەکانیان جێبهێڵیت و خاویان
بکاتەوە، توانیان وابکەن سلێمانی ببێت بە پێشەنگ لە ئاوەدانکردنەوە لەسەرتاپای عێراق،
ئەمەی ئێستا دەیبینین ئەنجامی کاری هەماهەنگی کۆمپانیاکان و حکومەتی خۆجێی و ژورە
بازرگانییەکانە".
رەخنەو گلەی
ئەوەشی كرد كە ئەگەر، "كۆمپانیاكان به قسه‌ی ئیعلامیان بكردایه له‌م وڵاته
ڕایان ده‌كرد بۆیه سه‌لماندیان كه سلێمانی كراوه‌یه بۆ كاركردن و ئاسان لێره
كار بكه‌یت و ده‌رفه‌تیش هه‌یه بۆ ئاوه‌دانكردنه‌وه و خزمه‌تی خه‌ڵك به گشتی و
سلێمانی به‌تایبه‌تی".