دوو گەنجى کورد لە ئەمریکا کوژران
08:38 - 27/04/2025
زەمەن - کوردستانى
لە ویلایەتى تەکساس لە ئەمریکا، لەنێوان شەش گەنجى کورد دەبێتە شەڕ، سیانیان بەیەکەوەبوون و تەقەیان لە سیانەکەى دیکە کردووە، لەئەنجامدا دووانیان دەستبەجێ گیانى لەدەستداوە ئەوى دیکەیان برینداربووە.
رووداوەکە کاتژمێر 10:00ـی شەوى رابردوو بە کاتی ئەمریکا روویداوە، دوو گەنجی زاخۆیی بە دەمانچە لەلایەن سێ کەسی دیکەی کوردی خەڵکی زاخۆن کوژران.
ئەو دوو گەنجەی کوژراون یەکێکیان ناوی ئەیاز سندییە و ئەوی دیکە ناوی ئومێد سندییە، بریندارەکەش ناوی هەردەم سندییە، لە ئارلینگتنی سەر بە ویلایەتی تێکساس ژیاون و هەرسێکیان خوێندکاری قۆناخی یەکەمی زانکۆ بوون.