پەرلەمان لیژنەیەک بۆ دامەزراندنی کۆمسیۆن پێکدەهێنێت
09:35 - 15/03/2023
زەمەن_هەرێمى کوردستان
نیوەڕۆى ئەمڕۆ پەرلەمانى کوردستان کۆدەبێتەوە و
لیژنەیەک بۆ دامەزراندنی کۆمسیۆن پێکدەهێنێت.
سەرۆکایەتى پەرلەمانى کوردستان لە
راگەیەنراوێکدا بڵاویکرەوە، ئەمڕۆ چوارشەممە كاتژمێر (١٢)ی نیوه‌ڕۆی کۆدەبێتەوە و
بەرنامەى کارى کۆبوونەوەکەش بەمشێوەیە دەبێت:
یەكەم: دروستكردنی لیَژنەیەك لە ئەندامانی پەرلەمانی
كوردستان تایبەت بە پاڵاوتنی ئەندامانی ئەنجوومەنی كۆمسیاران بەپێی بەندی (١) لە بڕگەی
(یەكەم)ی ماددەی (پێنجەم) لە یاسای كۆمسیۆنی باڵای سەربەخۆی هەڵبژاردن و ڕاپرسی
ژمارە (٤)ی ساڵی ٢٠١٤.
دووەم: سوێندخواردنی ئەم پاڵێوراوانەی خوارەوە
بۆ ئەندامیەتيی پەرلەمانی كوردستان له شوێنی ئەو ئەندامانەی دەستیان لەكار كێشاوەتەوە
لە هەمان لیست به‌پێی حوكمی ماددەی (٢٧) له په‌یڕه‌وی ناوخۆی په‌رله‌مانی
كوردستان:-
١ - (حسێن
عوسمان شریف عمر)، لە شوێنی ئەندامی دەستلەكاركێشاوە (شێركۆ جودت مصطفی).
٢ - (اسلام
سعدی علی مامەك)، لە شوێنی ئەندامی دەستلەكاركێشاوە (ابوبكر عمر عبدالله).
٣ - (عبدالله
حسن حمد حسن)، لە شوێنی ئەندامی دەستلەكاركێشاوە (اسماعیل علی طه).
٤ - (لیلی
علی عبدالعزیز محمد)، لە شوێنی ئەندامی دەستلەكاركێشاوە (سەرچنار احمد محمود).
٥ - (بیروان
فقی اسماعیل باسو)، لە شوێنی ئەندامی دەستلەكاركێشاوە (هلز احمد محمد حسن).
٦ - (دلێر
عبدالخالق حاجی)، لە شوێنی ئەندامی دەستلەكاركێشاوە (علی حمەصالح طه).
٧ - (مهدی علی عبدالله رحیم)، لە شوێنی ئەندامی
دەستلەكاركێشاوە (كاظم فاروق نامق).