هەواڵێکى خۆش بۆ خاوەنى مەلیکە و ئۆتۆمبێلە بێسەرەتاکان گەیشت
08:21 - 30/12/2024
زەمەن - کوردستانى
ئەندامێکى پەرلەمانى عێراق دەڵێت، نووسراوێکى ئاراستەى وەزارەتی ناوخۆی حکومەتی عێراقی فیدراڵ کردووە بۆ چارەسەرکردنى ئۆتۆمبێلى مەلیکە و ئۆتۆمبێلە بێسەرەتاکان.
دارا سێکانیانى، ئەندامى پەرلەمانى عێراق دەڵێت، لە کاتێکدا ئەو ئۆتۆمیلاانە لە ڕێگای خاڵە سنوریەکانەوە هاتونەتە ناو عێراق و هەرێمی کوردستان، ڕێگایان پێدراوە هەندێک کەس و کۆمپانیا و بازرگان سوومەند بوون لە کاتێکدا خاوەنی ئێستایان هیچ تاوانێکیان نییە، چونکە ڕێگادراوە بێنە ناو عێراق و هەرێمەوە، بۆ یە پێویستە حکومەتی عێراقی فیدراڵ بەهەماهەنکی لە گەڵ حکومەتی هەرێمی کوردستان چارەسەری ئەو کێشەیە بکەن تا خاوەنەکانیان زیان نەکەن چونکە بە ئاگاداری لایەنە بەرپرس و پەیوەندیدارەکان هێندراونەتە ناو عێراق و هەرێمەوە.
