"کێشەی موچە نەماوە، بەڵام هەرێم دەبێت داهاتەکان رادەست بکات"
11:34 - 01/07/2024
زەمەن - هەرێمی کوردستان
شاندێکی هەرێم بۆ
پرسی موچە و دەروازە سنورییەکان لە بەغدایە، ئەندامێکی ئەنجومەنی نوێنەرانی عێراقیش
دەڵێت: پێویستە سەردانی ئەم شاندە دەوریی بێت تا تەواوی کێشەکان چارەسەر دەبێت.
د.بڕیار رەشید،
ئەندامی ئەنجومەنی نوێنەرانی عێراق لەبارەی سەردانی شاندی هەرێم بۆ بەغداد لە کۆنگرەیەکی
رۆژنامەوانیدا باسی لەوەکرد، وتیشی: بەپێی یاسای بودجە دەبێت سەرجەم بڕگە و ماددەکان
جێبەجێ بکرێت، راستە پرسی موچە جێگیر کراوە لە نێو خشتەکان، بەڵام چەندین بڕگە و
ماددەی دیکەش ماوە کە پەیوەیستە بە پرسی داهاتی ناوخۆ و داهاتە فیدڕاڵییەکان لە نێوان
هەرێم و بەغداد.
رونیشیکردەوە، پێویستە
سەردانەکانی شاندی هەرێم بۆ بەغداد دەوریی (خولیی) بێت و مانگانە ئەنجانم بدرێت،
تا ئەوکاتەی بە تەواوەتی سەرجەم کێشە و گرفتەکان چارەسەر دەبن.
لەبارەی پرسی
موچەی هێزە ئەمنییەکان، د.بڕیار رەشید وتی: لە رۆژی پێنجشەممەوە لیستی ناوەکان رەوانەی
بەغداد کراوە و خوازیارن لە زوترین کاتتدا وردبینی ناوەکان تەواو بێت و بە زویی
موچەی مانگی شەش دابەش بکرێت.