هەواڵێکی خۆش بۆ هاووڵاتیان لەبارەی نرخی بەنزینەوە
11:47 - 07/09/2024
زەمەن - هەرێمی کوردستان
لەماوەیەکی نزیکدا نرخی بەنزین ٥٠ بۆ ١٠٠ دینار
دادەبەزێت، ئەمەش دوای بڕیارەکەى وەزارەتى سامانە سروشتییەکان بۆ ئازادکردنى هاوردەکردنى بەنزین
لەناوەڕاست و خوارووى عێراقەوە بۆ هەرێمى کوردستان.
رامیار رزگار، وتەبێژى
بازاڕى سووتەمەنى لە پارێزگاى سلێمانى بە کەناڵ ٨ی وتووە: بڕیارى وەزارەتى سامانە
سروشتییەکان لەبارەى سووتەمەنى و بەتایبەت بەنزین بۆ رێگەپێدان بووە بە هاوردەکردنى
لەناوەڕاست و خوارووى عێراق بۆ هەرێمى کوردستان، ئەم بڕیارە نرخى سووتەمەنى بەگشتى
دادەبەزێنێت.
دەشڵێت: ئەو بەنزینەى
لە عەمبارەکان هەیە، بە نرخى گران کڕدراوە، بۆیە ئەو بەنزینەى لەناوەڕاست و
خوارووى عێراق دەهێنرێت بۆ هەرێمى کوردستان لە ١٠ رۆژ بۆ دوو هەفتەى داهاتوو، نرخى
بەنزین بۆ یەک لیتر لەنێوان ٥٠ بۆ ١٠٠ دینار دادەبەزێنێت.