لەدواى کوژرانى حەسەن نەسروڵا ئەمریکا پەیامێکى بڵاوکردەوە
06:55 - 28/09/2024
زەمەن - جیهانى
وەزیرى بەرگرى ئەمریکا رایگەیاند، پەیوەندییەکى تەلەفۆنى لەگەڵ هاوتا ئیسرائیلییەکەى ئەنجامداوە و پاڵپشتى تەواوى بۆ دەربڕیون.
لۆید ئۆستن وەزیى بەرگرى ئەمریکا راشیگەیاند، دوێنێ لەگەڵ هاوتا ئیسرائیلییەکەی قسەی کردووە و پێ راگەیاندووە کە وڵاتەکەى سوورە لەسەر ئەوەی رێگە نەدات ئێران و هێزە نزیکەکانی "شەڕەکە گەورە بکەن."
دەشڵێت: "هێزەکانمان لە ناوچەکەدا دەپارێزین و پابەندین بە بەرگریکردن لە ئیسرائیل."
ئەوە لەکاتێکدایە، سوپای ئیسرائیل بەیانیی ئەمڕۆ کوژرانی حەسەن نەسروڵڵا، ئەمینداری گشتیی حزبوڵای لوبنانى لە هێرشێکی ئاسمانیدا راگەیاند، دواتریش حزبوڵای لوبنانی هەواڵەکەی پشتڕاستکردەوە.