سبەى لەم سنوورە نیو بەرمیل نەوت بەسەر هاووڵاتیاندا دابەشدەکرێت
06:54 - 18/01/2025
زەمەن - کوردستانى
ئیدارەى سەربەخۆى سۆران رایگەیاند، سبەینێ لە سنوورەکەیان دەست بە دابەشکردنی نەوت دەکرێت و هەر ماڵێک نیو بەرمیل نەوتیان پێدەدرێت.
ئیدارەى سەربەخۆى سۆران راشیگەیاندووە، بەیانی نەوتی حکومەتی عێراقی فیدراڵ کە بۆ هەرێمی کوردستانی ناردووە لە قەزای چۆمان دەست بە دابەش کردنی دەکرێت بری 100 لیتر بۆ هەر خێزانێک بە نرخی 30 هەزار دینا.
ئەوەشى راگەیاندووە، حکومەتی عیراق بڕى 50 ملیۆن لیتر نەوتی بۆ تەواوی هەرێم ناردووە کە دەکاتە رێژەی 19%ى پێداویستی هەرێم، بۆیە بەم شێوازە دابەش دەکرێت، سەرەتاش لە ناوچە شاخاویەکانەوە دەست بە دابەشکردنى دەکەن.