ڕووداوەكانی هاتووچۆ لە نزیك كامێراكانی خاڵ بۆ خاڵ و تیژڕۆیی نزیكن لە سفر
10:46 - 02/04/2025
زه‌مه‌ن - هه‌ولێر
كامێراكانی خاڵ
بۆ خاڵ و تۆماركردنی تیژڕۆیی ئامانجی خۆیان پێكاوە و بەڕێوەبەرێكی هاتووچۆی سلێمانیش
دەڵێت، ئەو كامێرایانە 100% كاریگەرییان بۆ كەمكردنەوەی ڕووداوەكانی هاتووچۆ هەبووە.
هەرچەندە لە ساڵی
2012ەوە كامێرای تۆماركردنی تیژڕۆیی لەلایەن هاتووچۆی هەرێمی كوردستانەوە بۆ كەمكردنەوەی
ڕووداوەكانی هاتووچۆ كاری پێدەكرێت، بەڵام دوو ساڵە دەست كراوە بە دانانی كامێرای
خاڵ بۆ خاڵ لە شەقامە خێراكان ئەمەش لەپێناو سەلامەتیی زیاتری گیانی شۆفێر و سەرنشینانی
ئۆتۆمبێل.
به‌پێی قسه‌ی عەقید
هێمن ئەمین، وتەبیژی هاتووچۆی هەولێر دانانی كامێراكانی تۆماركردنی تیژڕۆیی و خاڵ
بۆ خاڵ كاریگەریی ڕاستەوخۆیان لەسەر كەمكردنەوەی ژمارەی ڕووداوەكانی هاتووچۆ هەبووە،
ئەمەش بەپێی بەراوردی ئامارەكان لە پێش دانانی كامێراكان و دوای دانانیان، بۆ ئەمەش
نەخۆشخانەكانی فریاكەوتن لە هەرێمی كوردستان گەواهیدەرن و داتاكانیان بەڵگەن بۆ ئەو
كەمبوونەوەیەی ڕووداوەكانی هاتووچۆ.
لەلایەكی دیكەوە:
عەمید سەعدوڵڵا، بەڕێوەبەری كامێراكانی هاتووچۆ لە هاتووچۆی سلێمانی مردن بە ڕووداوەكانی
هاتووچۆ لەدوای خستنەكاری كامێراكانی خاڵ بۆ خاڵ بە ڕێژەی لە 100% كەمی كردووەتەوە.
بەپێی ئامار و
داتاكانی بەڕێوەبەرایەتییەكانی هاتووچۆ لە شارەكانی هەرێمی كوردستان، تۆماركردنی ڕووداوەكانی
هاتووچۆ لە نزیك كامێراكانی خاڵ بۆ خاڵ و تیژڕۆیی نزیكن لە سفر.